Na página web na que se fala dus Espacius pa creación joven, y a que podéis accedel ficendu clic sobri u enlaci que vus incluyu a continuación: http://www.espaciosparalacreacionjoven.net/, dí qu´estis espacius son sitius d´encontru ondi us jóvinis podin dal a cuñocel as suas facetas artísticas y creativas, usandu us medius que estis espacius dejan a sua disposición y que son de difícil accesu a mayoría dus jóvinis.
Esti fin de semana un equipu móvil desti proyectu ha feitu pará en a localidai de Vegaviana, a escasus kilómetrus de Moraleja dandu a oportunidai us jóvinis da zona a participal en as distintas actividais que abarca comu artis musicais, plásticas, escénicas, etc...
Pur u tantu ha posibilitau us novus artístas dus nosus lugaris darsi a cuñocel na plaza du Ayuntamentu de Vegaviana. Han postu mutu empeñu e ilusión aunque había escasa presencia de públicu y ficía un friu que "pelaba us hosus".
Us nosus paisanus actuaran u Sábadu día 2 de Diciembri. Comenzó a joven de 15 anus de Valverdi Trinidad Rivas, a isu das seti da tardi cantandu versions de composicions de música ligera española y alguma canción propia que ten u sei meritu na a sua edai. A continuación, actuó u grupu de rock valverdeiru, de recienti creación, denominau "In Trámiti", destacandu as suas versions en valverdeiru de composicions rockeiras españolas y uma canción propia, tamen en valverdeiru, que deran a cuñocel pur primeira vez nun mediu de comunicación pública, nu programa da televisión extremeña, "Bravo por Extremadura", u día 18 de Octubri pasau. Hay que dicel que debi sel u primel grupu de música que canta na nosa fala. Terminaran u pasu pur esti Espaciu pa creación joven us componentis du grupu das Ellas, denominau "T4", que tocaran uma docena de cancions propias con suma maestría, sobri to u gitarra solista Sevito.
Sería bo, dau u interés pur a música que vemus nus jóvinis destis tres lugaris qu´as institucions públicas da zona promoveran escuelas de música o facilitaran espacius públicus ondi us zagais puderan ensallal, ocupandu u sei tempu de ociu desta forma.
Fai tres anos, estiveron pola nosa terra, Domingos FRades, e outros amigos da Fala.
ResponderEliminarTivemos a sorte de poder facelles a honra de entregalles o primeiro Pendello de Honra, uns dias despois o SR. Frades, e outros amigos, forn admitidos na REal Academia da lingua Galega.
Hoxe, nos, os "Amigos dos PEndellos", de Agolada, ainda recordamos con agarimo aquela data de mes de Novembro do 2004.
AGora teño un blog, onde recollo unha pequena homenaxe a todo iso, se queredes ollar a direccion é:
//ospendellos.blogspot.com/
Non sei si ti eres, Antonio Corredera?.
Gustarianos moito, estar en contacto con nosos irmans e amigos da FAla.
ResponderEliminarOs Amigos dos Pendellos de AGolada.
//os pendellos.blogspot.com
Se queredes coñecer algo mais de nos, botade unha ollada.
Unha aperta.